Регион

Србија со раст на БДП од 6,1% во четвртиот квартал, ја надмина и Кина

Србија не доживеала толку брз раст од почетокот на финансиската криза, што го става нашиот северен сосед до земјите, со најбрзо темпо на раст на бруто-домашен производ (БДП) во светот.

Економијата на Србија порасна за 6,1% во четвртиот квартал од минатата година, според гувернерката на централната банка Јоргованка Табаковиќ. Ова е најдобро претставување од 2008 година. Исто така, тоа го надмина предвидениот раст на „Блумберг“ од 4,7 проценти за тој период. Според овој индикатор, Србија е пред не било која економија, туку Кина.

Во голема мерка, експанзијата во последните три месеци од минатата година е поттикнато од трошење на владата. Оваа вест доаѓа навреме за властите во Белград, откако претстојат парламентарни избори во април во земјата.

Затоа, не е изненадувачки што претседателот Александар Вучиќ, чија партија ќе се обиде да добие поголема моќ, укажува на економските достигнувања, во позадина на демографските проблеми кај нашиот сосед.

„Додека многу земји ги намалија своите предвидувања за економски раст, Србија ги надмина сите прогнози како резултат на внатрешните фактори, од кои претежно поголемите инвестиции“, рече Табаковиќ.

Во текот на изминатите две години, инвестициите во земјата пораснаа за 35%, придонесувајќи за три четвртини од вкупниот раст меѓу 2018 и 2019 година. Како резултат на брзиот раст за периодот октомври/декември, за целата изминатата година достигна 4,2 проценти.

„Централната банка остава непроменета во предвидувањата за економски раст за 2020 и 2021 година. Ширењето на коронавирусот во Кина не се очекува да биде особено влијателно, иако земјата е клучен партнер за Србија“, вели
гувернерот.

Поврзани вести

Повеќе од 2.100 потреси во Албанија по катастрофалниот од 26 ноември

Никола Поповски

Учител од Загреб им пее и свири под прозорец на своите ученици (ВИДЕО)

Вчера во Солун уапсени 22 анархисти поради инцидентите во турскиот конзулат и шалтерот на „Туркиш ерлајнс“

Maja_Serafimova

Грабар-Китаровиќ била во САД: Сега заврши во самоизолација

Пленковиќ: За новиот бран мигранти се консултираме со ЕУ и НАТО

Александар Тодески

Вучиќ со францускиот амбасадор: Важно ни е да знаеме што ќе се случи со евроинтеграциите на Србија

Влатко Зорба