Регион

Во БиХ престојуваат од 6.500 до 7.000 мигранти

Околу 6.500 до 7.000 мигранти, од кои 5.250 престојуваат во расположивите сместувачки капацитети во Босна и Херцеговина, изјави директорот на Службата за работа со странци Слободан Ујиќ.

Како што пренесува „Дневни аваз“, по влегувањето во БиХ, мигрантите го злоупотребуваат Институтот за меѓународна заштита и ја искажуваат својата намера за азил, овозможувајќи им да го легализираат престојот и слободно да се движат низ БиХ.

Ујиќ вели дека од почетокот на мигрантската криза, од крајот на 2017 година до денес, 54.332 мигранти биле предмет на Службата за странци, а само минатата година тој број  изнесувал 29.302 мигранти.

Тој истакна дека ја поддржува најавата од министерот за безбедност во Советот на министри Фахрудин Радончиќ за нов пристап кон проблемот со зголемен прилив на мигранти.

Според него, приоритет е контрола на источната граница за да се намали дневниот прилив на мигранти во БиХ, за што е неопходен ангажман на дополнителен број гранични полицајци.

Службата за странци минатата година ставила под надзор и изрекла мерки за протерување на 16 лица кои, како што истакнува Ујиќ, претставуваат закана за националната безбедност.

Поврзани вести

Српскиот епидемиолог Предраг Кон предупредува што треба да прават граѓаните по укинувањето на вонредната состојба

Црногорската полиција го уапси српскиот владика Јоаникиј и свештениците (ВИДЕО)

Објавена снимка со детали од апсењето на напаѓачите на водачот на Кавачкиот клан

Здравствената состојба на Вучиќ е стабилна

Намалувањето на загаденоста на воздухот Србија ќе ја чини 2,4 милијарди евра

Албанските новинари на протест: „Анти – клевета“ ќе затвора портали и весници и без судска одлука