Регион СВЕТ

Шарец за актуелните случувања: Словенија на Орбан или суверена и независна Словенија?

Словенечкиот премиер во оставка Маријан Шарец, на социјалните мрежи коментирајќи ги актуелните случувања во земјата порача сите треба да се запрашаат дали сакаат, како што напиша Словенија на Орбан или пак суверена Словенија, јавуваат од Љубљана.

Овој став Шарец го изнесе по пишувањата на словенечките медиуми за наводниот начинот на кој се финансира партијата на Јанез Јанша СДС (Словенечка демократска партија) и медиумите блиски до нив.

Тој апелираше сите политички чинители наместо да разговараат кој каква позиција ќе добие и кој во кое Министерство ќе влезе, да се запрашат за кого ќе работи Владата.

– На кого таа влада ќе биде подредена ако медиумите блиски до СДС (ниту од СДС не го демантираат тоа) се финансираат од Унгарија? – напиша Шарец.

Премиерот во оставка обвини повеќе политичари дека наместо да ги решаваат проблемите на граѓаните тие повеќе работат да си обезбедат подобри позиции за нив.

Инаку, вчера лидерот на СДС, Јанез Јанша изјави дека е задоволен како се одвиваат преговорите за состав на ново мнозинство, а со тоа и нова Влада. Пред новинарите изјави дека имаат слични погледи со можните идни коалициони партнер, за приоритетите на Словенија и кои проблеми би требала да ги решава идната Влада под негово раководство.

Шарец од друга страна инсистира на предвремени парламентарни избори со цел да се формира нова стабилна Влада.

Редовните парламентарни избори се за две и пол години

Поврзани вести

Седумгодишно девојче загина во земјотресот на Филипини (ВИДЕО)

Maja_Serafimova

Кери Лам им се извини на муслиманите поради испрсканата џамија во Хонг Конг

Maja_Serafimova

Можни се предвермени избори во Хрватска, протестите сеуште траат

Maja_Serafimova

Жителите на неколку боливиски градови пријавиле дека имаат недостиг од храна и бензин

Паника во владиниот авион: Пожар избувна во задниот дел

Влатко Зорба

Изборниот штаб на сенаторот Берни Сандерс прогласи победа на првичните избори кај демократите во Ајова