Регион СВЕТ

Трамп му ја честита на Тачи годишнината на независноста на Косово

 Косовскиот претседател Хашим Тачи прими денеска телеграма со честитки од претседателот на Соединетите Американски Држави Доналд Трамп, по повод годишнината од независноста на Косово, прогласена на 17 февруари 2008 година.

Во телеграмата која ја објави кабинетот на Тачи, Трамп ги нагласува цврстите врски меѓу Косово и САД.

– Народот на Америка заедно со мене им ја честита на сите граѓани на Косово 12-годишнината на независноста на Косово. Цврстите врски меѓу Косово и Соединетите Американски Држави се исковани од заедничката посветеност за создавањето на Косово суверена, независна, мултиетничка и демократска држава, се вели во телеграмата.

Американскиот претседател му честита на Косово и за демократските парламентарни избори одржани минатиот октомври, поздравувајќи ги „постојаните заложби за унапредување на мирот, правдата и просперитетот за народот на Косово и за целиот регион на Западен Балкан“.

– Ви посакуваме успех во годините што следат, во вашето фокусирање за нормализација на односите со Србија, во владеењето на правото, како и во создавањето услови за што подинамичен развој на приватниот сектор, вели Трамп во телеграмата до Тачи.

Тој му предвидува на Косово светла иднина и порачува дека САД остануваат посветени на јакнењето на билатералните односи.

– Иднината на вашата земја е светла. САД остануваат посветени на цврстите билатерални односи, засновани на вредната работа на вашето динамично население и на постојаната посветеност на нашите заеднички вредности, пишува Трамп. 

Поврзани вести

За албанската опозиција заминувањето на Рама е пат до слободни избори

Влатко Зорба

Велика Британија: Руските шпиони стојат зад труењето на Навални

Никола Поповски

Грција треба да реагира на неодржливата ситуација на мигрантите

Вучиќ со својот народ во Црна Гора: Не очекувам дека спорниот Закон ќе биде повлечен

Никола Поповски

Конгресот одобри 8,3 милијарди долари итна помош за борба со коронавирусот

Израел е подготвен да го бомбардира Иран со цел да го спречи да произведе нуклеарно оружје