Вести СВЕТ

Трамп за здравствената состојба на лидерот на Северна Кореја: Му посакувам добро здравје на Ким

Американскиот претседател Доналд Трамп на прес-конференција одговарајќи на прашање за здравствената состојба на Ким Џонг-ун му посака добро здравје на севернокорејскиот лидер.

– Се појавија такви извештаи, но ние не знаеме. Имам многу добри односи со него. Можам само да кажам дека му посакувам да оздрави, бидејќи ако неговата сосотојба е таква како што објавија медиумите, тоа е многу сериозно. Му посакувам и многу среќа, наведе Трамп.

Тој додаде дека се уше никој не ги потврдил медимските наводи, а Си-Ен-Ен прв објави таква вест.

– Кога Си-Ен-ЕН ќе објави нешто, немам големи надежи во тоа, посочи Трамп.

Си-Ен-Ен вчера објави дека САД ги следат информациите на тајните служби според кои лидерот на Северна Кореја е во критична состојба по операцијата на срцето.

Гласините за неговата здравствена состојба беа поттикнати откако Ким не се појави на одбележување на роденденот на неговиот дедо на 15 април. Тој последен пат е виден на 11 април на владина седница.

Јужнокорејските медиуми објавија дека на севернокорејскиот лидер на 12 април му била извршена операција на срце. Според неофицијални информации тој по операцијата е сместен во вила во Хујангсан и е под лекарска контрола.

Северна Кореја строго ги контролира информациите, посебно за Ким, кој во земјата има статус на божество.

 

Поврзани вести

Руските научници направија три препарати за лечење на коронавирус

СЗО: Имаме некои третмани што се во раните фази од истражувањата, а кои можат да ја ограничат тежината или должината на траењето на болеста

Британскиот премиер заинтересиран за продажбата на Њукасл

Влатко Зорба

Зошто вртењето на пациентите со КОВИД-19 на стомак може да биде од пресудно значење?

Германија ќе ја продолжи координацијата со САД околу Западен Балкан

Влатко Зорба

Кинеската војска доби дозвола да користи вакцина против коронавирус