Вести

Анкета: Повеќе од третина Американци сметаат дека Трамп лошо се справува со кризата со коронавирусот

Како кризата со коронавирусот во САД се разгорува и економските последици од карантинот почнаа да се чувствуваат, јавноста е се повеќе убедена дека администрацијата на Доналд Трамп не прави доволно да го спречи ширењето на епидемијата.

Повеќе од третина од испитаните Американци се изјасниле дека претседателот не се справува добро со предизвиците од коронавирусот, се дознава од анкета на Политико и „Морнинг консалт“.

Според анкетата, само 25 отсто од испитаниците изјавиле дека Трамп „добро“ се справува со кризата, додека 39 отсто кажале дека тој се справува „лошо“. Тринаесет отсто се изјасниле дека тој се справува „просечно“.

Анкетата, исто така, укажува дека Трамп и неговата администрација не прават доволно за побрзо завршување на кризата со коронавирусот.

Така, 45 отсто од испитаниците кажале дека администрацијата не прави доволно, додека само три отсто изјавиле дека таа прави многу повеќе во одговорот на кризата. Четириесет отсто изјавиле дека администрацијата прави доволно во справување со кризата.

Резултатите од неколку претходни анкети (на универзитетот Монмут и на Ен-Би-Си њуз, Волстрит журнал) се наклонети во полза на Трамп, иако поделеноста меѓу испитаниците е голема.

Сепак, откако кризата со ширењето на вирусот се развлече, и економските последици од карантинот почнаа да се чувствуваат, јавноста е се повеќе убедена дека администрацијата не прави доволно во спречување на ширењето на епидемијата.

Поврзани вести

Наместо со антибиотици, инфекциите ќе ги лекуваме со менување на генот

Заврши заложничката криза на Филипините: Вооружениот маж ги ослободи 30-те лица, заробени во трговскиот центар

Фреди е сопственик на компанија од 62 милиони долари, а како бебе мајка му го оставила на буниште (ВИДЕО)

Состојба со Ковид-19 во светот до 17 часот

Никола Поповски

Путин: Трамп не е виновен дека нема напредок меѓу САД и Русија

Влатко Зорба

Истражувањата покажуваат дека загадувањето предизвикува оштетување на мозокот и влијае на говорот

Maja_Serafimova