Вести

Синдромот „Кавасаки“ се јавува и кај возрасни

Неодамнешните предупредувања во јавното здравство за тешкиот и енигматичен воспалителен синдром поврзани со КОВИД-19 се насочени кон деца. Но, некои лекари велат дека забележале болест слична на „Кавасаки“ кај неколку помлади возрасни.

25-годишен се лекува од состојбата во Сан Диего, а него му беше дијагностицирана болеста во Еврејскиот здравствениот центар „Northwell Health“ во Лонг Ајленд, а неколку пациенти во рани 20-ти се хоспитализирани со синдромот во „NYU Langone“ во „ујорк.

Педијатарот Џенифер Лејтер, кој се занимава со заразни болести во „NYU Langone“, рече дека помладите деца со оваа состојба имаат симптоми кои се повеќе слични на традиционалниот „Кавасаки“, кој се карактеризира со воспаление на крвните садови. Но, тинејџерите имаат потешки форми што вклучуваат проблеми со срцето, но и со други органи.

Д-р Џејн Барнс, која раководи со Центарот за истражување за болеста „Кавасаки“ на Универзитетот во Калифорнија, Сан Диего, е загрижена дека состојбата кај возрасните не може лесно да се дијагностицира.

Предизвик, рече таа, е што многу лекари кои лекуваат возрасни никогаш порано не виделе „Кавасаки“ болест кај возрасни, затоа што тоа е болест која се јавува кај деца.

Барнс и нејзините колеги специјалисти посочуваат дека предупредувањата за оваа состојба се шират за да се вклучат помлади луѓе, тинејџери и адолесценти.

„Она што треба да се потенцира е дека„ интернистите исто така треба да обрнат внимание на фактот дека болеста може да дојде преку пат што спаѓа во нивната област на активност“, рече лекарот.

Новата болест се разликува од она што го виделе лекарите кај деца со КОВИД-19.

Кога болеста се појави кај деца, во март и април, тие веќе имаа некои состојби, како што се активна инфекција со коронавирус, како и отежнато дишење.

Оние што доаѓаат сега се претежно здрави млади луѓе кои одеднаш развиваат треска, болки во стомакот и гадење со повраќање, но и осип, и тоа може да биде знак на посериозни проблеми.

Многу пациенти имаат антитела на коронавирусот, што укажува дека тие можеле да бидат заразени неколку недели порано и дека состојбата може да го одложи имунолошкиот одговор.

Додека вкупниот број заразени лица нагло опадна во Њујорк и другите претходни жаришта, бројот на деца и млади со воспалителни состојби продолжува да расте.

Повеќе од 20 земји пријавиле вакви случаи, од кои вкупниот број се проценува на неколку стотици.

Поврзани вести

Што може да му се случи на едно лице кое во исто време ќе добие грип и коронавирус?

Александар Петровски

САД го повлекуваат зголемувањето на царините на кинеската стока

Влатко Зорба

Во светот од коронавирус починале 645.715 луѓе

Влатко Зорба

Би-Би-Си: Британска влада прикривала воени злосторства во Авганистан и Ирак

Влатко Зорба

Пенс утре ќе разговара со Ердоган за Сирија

Влатко Зорба

Сенатори во САД бараат санкции поради политичките затвореници во Русија

Влатко Зорба