Вести

Стапија на сила американските санкции против Северен тек 2

Санкциите против компаниите кои работат на рускиот гасовод „Северен тек 2“, вклучени во воениот буџет за фискалната 2020 година, а потпишани од американскиот претседател Доналд Трамп, стапија на сила, соопшти Министерството за финансии на САД.

Во соопштението се предупредува дека сите страни кои намерно продале, изнајмиле или обезбедиле бродови кои учествуваат во инсталацијата на цевки на длабочина од 30,5 метри или повеќе во рамките на изградбата на гасоводите „Северен тек 2“ и „Турски тек“, во согласност со режимот на американски санкции, мора да ги повлечат тие бродови.

Швајцарско-холандската компанија „Олсиз“ соопшти дека ги прекинала сите активности за инсталирање на гасоводот „Северен тек 2“, поради санкциите на САД.

Компанијата наведе дека ќе постапи во согласност со одредбите од Законот за воен буџет на САД и дека американските власти очекуваат насоки за регулаторните и техничките прашања и појаснувања во врска со заштитата на животната средина.

Одлуката на „Олсиз“ го доведува во прашање завршувањето на проектот, вреден 11 милијарди американски долари, што ќе го удвои капацитетот на гасоводот за Германија и што Москва го најави дека ќе биде готов за неколку месеци.

Проектот „Северен тек 2“ вклучува изградба на два нафтоводни крака со вкупен капацитет од 55 милијарди кубни метри гас годишно, што ќе тече од руското крајбрежје преку Балтичкото Море до Германија.

Американскиот Сенат во средата го одобри буџетот за одбрана, кој предвидува, меѓу другото, наметнување санкции за компаниите кои работат на големиот руски проект за гас.

Буџетот за одбранбената политика, вреден повеќе долари, формално познат како Закон за одобрување на националната одбрана (НДАА), опфаќа широк спектар на одбранбена политика и воени трошоци.

Поврзани вести

Полицијата употреби солзавец против демонстрантите во Париз (ВИДЕО)

Влатко Зорба

Пишувал на Фејсбук дека коронавирусот е измама, а потоа починал од истиот вирус

Мадагаскар по природен рецепт направи прв африкански лек за коронавирус (ВИДЕО)

Мува го украла шоуто на синоќешната предизборна дебата во САД (видео)

Никола Поповски

Борел: Демонстранциите се импресивни, на Белорусија ѝ е потребен национален дијалог

Никола Поповски

Високите температури не го спречуваат ширењето на коронавирусот

Влатко Зорба