Вести

Турција нема зелено светло за влегување во Сирија, тврди сенаторот Греам

Републиканскиот сенатор Линдзи Греам, близок на американскиот претседател Доналд Трамп, ја предупреди Турција дека „нема зелено светло“ за воена операција во северна Сирија, по низата контрадикторни пораки испратени од официјалните лица на САД во изминатите денови.

„Порака до турската влада: немате зелено светло за влегување во северна Сирија. Постои голема двопартиска опозиција на тоа во Конгресот и треба да ја гледате како црвена линија што не смее да се премине. Ако сакате да ги уништите веќе кревките односи, инвазијата на Сирија ќе ја заврши работата”, твитна Греам со хаштагот #StandWithTheKurds.

Во неделата Трамп ги изненади сите најавувајќи повлекување на американските трупи од северна Сирија. Турција вчера објави дека е подготвена да почне нова офанзива против курдските Единици за заштита на народот во Сирија.

Но, соочен со обвиненија дома дека ги оставил американските сојузници, Трамп во понеделникот се премисли и се закани со „целосно уништување на турската економија“ доколку Анкара „ги премине границите“. Турција ги смета курдските борци за терористи.

Поврзани вести

Тинејџерки нашле куфер со ужасна содржина: Кога го отвориле, веднаш повикале полиција (ВИДЕО)

Бајден извојува убедлива победа на примарните избори во Флорида, Аризона и Илиноис

Фудбалска репрезентација ставена во карантин поради коронавирусот

Никола Поповски

Пума се прошета низ празните улици на Сантијаго за време на полициски час (ВИДЕО)

Француски лекар: Првиот случај на коронавирус бил на 27 декември

Во САД акција под мотото „Штрајк за време на црн петок“