Регион СВЕТ

Вук Јеремиќ го напушта опозицискиот Сојуз за Србија

Народната партија на Вук Јеремиќ изгласала напуштање на заедничката советничка група на Сојузот за Србија (СзС) и во иднина ќе настапува самостојно во Собранието на Град Белград, дознава Нова.рс од свои извори.

Според изворот на порталот, на ваквата одлука се спротивставило дел од членството на партијата, меѓу кои е и шефот на СзС во Градското собрание, Никола Јовановиќ.

Како што наведува изворот, Главниот комитет на Народната партија, кој е планиран за денеска, бил одложен за понатаму.

– Според информациите кои ги добив, причина се поделените мислења меѓу претседателот на партијата Вук Јеремиќ и шефот на советничката група на СзС во Белград, Никола Јовановиќ. Тие не се согласуваат околу начинот како треба да изгледа настапот на нашата советничка група во Градското собрание. Вук смета дека Народната партија мора да оди самостојно, додека Никола исклучиво заговара единство на опозицијата, вели изворот., кој е член на Главниот комитет на Народната партија.

Тој потврдно одговори на прашањето дали е точно дека во текот на одржувањето на седницата на белградскиот Комитет на Народната партија е организирано заедничко гласање за излез од советничката група на СзС и гласање доверба за Јеремиќ.

– Се гласаше за излез од советничката група на СзС во Белград и за доверба на лидерот на партијата. И тоа заедно. Мислам дека тоа не е фер. Мнозинството беше „за“, никој не се изјасни „против“, а неколку членови беа воздржани. Поради таквиот начин на гласање повеќето се спротивставија и се поделија. Би сакал да седнеме и да се договориме, бидејќи ние сме мала партија за да се делиме. Некои претходни случувања внатре во нашата организација ми покажуваат дека ова претставува вовед за излез од Сојузот за Србија, бидејќи не постои некаква љубов меѓу Јеремиќ и Драган Ѓилас, истакна соговорникот на порталот Нова.рс

Поврзани вести

Ричард Гренел даде оставка од местото американски амбасадор во Германија (фото)

Научници: Ако не запре уништувањето на природата ќе има уште полоши пандемии

Сајбер експертите го нападнаа Нетанјаху заради неговиот предлог да се „микрочипираат“ децата (ВИДЕО)

Во близина на Нов Зеланд регистриран силен земјотрес

Maja_Serafimova

Бугарската елита до сонародниците: Не одете на одмор во Грција, не мразат од дното на душата

Никола Поповски

Градоначалникот на Москва: Имаме поефикасни мерки за справување со коронавирусот отколку други земји