ВИДЕО/ФОТО Технологија

Vision-S – првиот електричен автомобил на Sony (ВИДЕО)

Sony ги изненади присутните на CES 2020 со премиерата на необичен производ. Малкумина очекуваа компанијата да биде заинтересирана за автомобили. Сепак, јапонскиот производител го привлече вниманието кон електричниот седан наречен Vision-S. Ова е прво возило во сегментот на EV автомобилите на Sony, што сме ги виделе досега. Според податоците, Sony Vision-S има вкупно 33 сензори лоцирани во надворешниот дел и во внатрешноста.

Благодарение на нив, електричниот автомобил генерира податоци во реално време за ситуацијата на патот и е ориентиран во просторот. Централната конзола е огромен екран на допир, а огромни интерактивни дисплеи има и на задниот дел на седиштата, за да ги забавува патниците. Sony Vision-S е постојано поврзан со интернет, кој е опремен со 360 степени аудио систем. Новата EV платформа е развиена заедно со Magna.

Иновативниот прототип е уште еден доказ за различните технологии што ги развиваат инженерите на Sony. Раководителот на компанијата, Кеничиро Јошида, го определи Vision-S како дел од плановите на Sony да придонесе за еволуцијата на јавниот транспорт. Во иднина, јапонскиот производител ќе продолжи да инвестира во технологии кои ќе го забрзаат влегувањето на самоуправувачки автомобили, вклучително и LIDAR радарни решенија и Time-of-Flight (ToF) камери.

Поврзани вести

Google обучува вештачка интелигенција да препознава мириси

Влатко Зорба

Заврши поддршката за Windows 7

Влатко Зорба

Microsoft пројавува интерес за паметна облека

Влатко Зорба

Нова функција ќе го блокира достапот на надворешни апликации до нашата сметка на Instagram

Влатко Зорба

Кометата „Неовајс“ го осветли македонското небо (ГАЛЕРИЈА)

Берта Китинска

Windows 10 2004 би можел да биде објавен во мај

Влатко Зорба