Македонската пејачка Тамара Тодевска на сцената е речиси две децении, а сега ја изненади публиката со новиот сингл наречен „Торнадо“.
Кога се појави на сцената пред две децении, можевме само да нагаѓаме какво торнадо ќе создаде нејзиниот темперамент, а овој јули се уверивме дека Тамара Тодевска не губи време и по втор пат оваа година на публиката и нуди нешто ново и поинакво!
Имено, Тамара ја објави својата нова песна „Торнадо“, а интересно е што текстот го напиша српската пејачка и текстописец Ана Радоњиќ, попозната како Зои Кида, а за музиката и аранжманите беа задолжени Тамара и нејзиниот долгогодишен соработник и пријател Лазар Цветкоски.
– „Торнадо“ е нашата нова музичка приказна и многу сум среќен што направивме песна и спот, кои се исполнети со брз ритам и убава енергија. Тоа ни треба најмногу во периодот во кој живееме! Задоволна сум од комплетниот производ, песната и спотот и искрено верувам дека ќе и се допадне на мојата публика, како во Македонија, така и низ земјите од регионот – истакнува Тамара.