Српската пејачка Лепа Брена вчера во Кавадарци, каде се случуваше „Тиквешки гроздобер 2023“, ја расположи бројната публика која дојде од целиот регион да ја слуша една од најпознатите музички ѕвезди на Балканот.
Публиката падна во делириум кога ја запеа легендарната „Југословенка”, песна снимена пред речиси 35 години. Додека ја изведуваше, во публика се развеа југословенското знаме, и целиот концерт помина во знакот на носталгијата по старите времиња.
Брена направи одлична атмосфера и со своите вечни хитови уште еднаш покажа дека знае како да направи добра забава.