Сите сакаме добри попусти, но Каролин Смарт направи уметност од нив. 25-годишната мајка решила максимално да ги искористи попустите во јануари.
За само 115 фунти (129 евра), Каролин купи облека за целата година за себе и за нејзината ќерка Амбер-Меј. Од костуми за Ноќта на вештерките, преку нови божиќни џемпери и бикини, сè влегува во таа сума, пишува The Sun.
Мајката од Харфилд, Англија, која во моментов е невработена, вели дека пандемијата ја научила дека е поважно од кога било да се купува однапред и да се користат попустите.
– Купив за ќерка ми (1) и мене шушкави елеци за по 11 евра, четири бебешки боди кои беа намалени од 11 на 2,25 евра и јас три летни фустани за по 3,3 евра.
– Купив гумени чизми на Интернет за 30 евра, а патики за Амбер-Меј за една бројка поголеми. Им платив околу 22 евра – рече таа.
Каролин дури успеа да најде неколку дизајнерски парчиња за себе.
– Минатата година најдов торба на Мајкл Корс за 14 фунти (околу 16 евра), а исто така најдов хеланки на Холистер за 12 фунти (околу 14 евра), намалени за 30 фунти.
Како што вели, шопингот за неа е како спорт.
– Штом победите, тоа е најдоброто чувство на светот. Така се чувствувам кога наоѓам супер ефтини примероци што никој друг не ги забележал. Кога одам на таков начин да купувам, тоа е количина на работа, како да правиме смена од девет до 17 часот. Поминав девет часа во шопинг – вели таа.
Јануарските попусти се голем предизвик за неа, но како што вели, таа е мирна барем до крајот на годината. Вели дека отсекогаш обожувала попусти, но овој вид шопинг станал клучен кога останала без работа.
– Поради короната, јас сум невработена, инаку работев на рецепција. Во моментов се обидувам да започнам сопствен бизнис, но тоа не е лесно. Бидејќи иднината е толку неизвесна, сакав јас и ќерка ми да имаме сè што ни треба, па дури и по половина од цената – објасни таа.