Црвенокосата холивудска ѕвезда Џесика Честејн повторно донесе гламур на црвениот тепих на 80-от филмски фестивал во Венеција на премиерата на нејзиниот нов филм „Memory“.
Во блескав фустан на Gucci со длабоко деколте што ја истакнуваше нејзината витка фигура, убавата актерка изгледаше како вистинска филмска дива.
Впечатливиот фустан кој беше комплетно украсен со светки кои привлекуваа светло на секој чекор, таа го искомбинира со златни платформи.
Нејзината стилистка Елизабет Стјуарт додаде интересен накит на овој шик стајлинг, додека елегантна фризура и беспрекорна шминка го комплетираа ова модно издание за чиста петка.