Предноста на денешниот рецепт е што не треба да трошите многу време за подготовка.
Состојки:
* 400 гр вргањ
* 360 гр таљатели
* 20 чери домати
* 2 лажици маслиново масло
* 1 чешне лук
* сол по вкус
* бибер по вкус
Подготовка:
Загрејте го маслото со лукот. Додадете добро измиени вргањи и оставете ги да се варат десетина минути.
Додадете сечкани чери домати и варете до крај, посолете го и побиберете го сосот. Ако е малку суво, додадете мала чаша вода!
Во меѓувреме сварете ги таљателите во солена вода.
Земете дел од сосот и иситнете го со миксер.
Исцедете ги тестенините и прелијте ги со измешаниот дел од сосот.
Додадете ги преостанатите вргањи за украсување на садот…и на здравје!