Мајонезот е омилен прилог на многу луѓе, а снаодливите домаќини/ки успеваат одвреме-навреме да му најдат нова намена, како што е, да речеме, главната состојка во салатите.
Но, дали некогаш сте се обиделе сами да направите мајонез? Рецептите за мајонез се различни и навистина има сорти за сечиј вкус. Сепак, овој рецепт се држи до приближниот вкус, како оној од продавницата.
Ако ја доведувате во прашање практичноста да си направите мајонез, верувајте, можете да се пофалите со него на секој семеен ручек.
Состојки за мајонез:
* 2 јајца
* една лажичка сол
* една лажичка сенф
* 2 лажици исцеден лимон
* 200 мл масло
Подготовка:
Изберете висок и тесен сад во кој ќе правите мајонез. Со миксер со стапче изматете ги јајцата кои ќе ги ставите во садот. Секако, доколку немате при рака миксер за стапчиња, можете да користите и обичен. Додека се матат јајцата, периодично додавајте масло по малку.
Потоа додадете сенф и сок од лимон.
Матете додека не стане густа смеса, па во тенок млаз додадете го преостанатото масло. Продолжете со матење, додека не стане кремаста маса.
На здравје!