Американската актерка Џена Ортега се погрижи сите очи да бидат вперени во неа на премиерата на втората сезона од серијата „Wednesday“ во Лондон, а во согласност со нејзиниот лик, таа се појави облечена во фустан што имитира змиска кожа со избелени веѓи.
Ортега носеше беж латекс фустан со принт од змиска кожа на црвениот тепих, кој е дел од колекцијата Ashi Studio Haute Couture за есен 2025 година.
Нејзината темно кафеава коса беше разделена на средина и врзана назад, додека темноцрвените усни и темните очи беа во контраст со нејзините избелени веѓи.
Ортега го комбинираше уникатниот фустан со чевли од Jimmy Choo, а изгледот го комплетираше со „nude“ нокти.
Ова не е прв пат Ортега да најде инспирација за својот outfit во својот лик. За време на снимањето на првата сезона, Ортега носеше само црна боја.
„Кога го правев „Wednesday“, одеднаш носев само црно“, изјави таа за The Cut во март 2023 година: „Не знаев зошто. Од некоја причина, мојот плакар едноставно ја изгуби целата своја боја.“
Ортега имала слична инспирација за своите комбинации на многу црвени теписи, вклучувајќи ги наградите SAG во 2023 година, каде што носеше целосно црн фустан од Versace, и ревијата за машка облека на Saint Laurent есен/зима 2023, каде што носеше фустан со качулка и отворен грб.
Првата епизода од втората сезона на „Wednesday“ пристигнува на Netflix на 6 август, а втората епизода е достапна на 3 септември.