Мик Џегер во среда го слави својот 80-ти роденден, а се чини дека за легендарниот пејач, годините се само бројка. Ѕвездата на Ролинг Стоунс планира да организира голема забава во Лондон во една од најстарите ботанички градини, а како што пренесува „Мирор“, планира да покани повеќе од 300 луѓе.
– Навршувањето 80 е голема пресвртница за секого и Мик сака да организира забава која никој нема да ја заборави – открил изворот.
Инаку, славниот рокер минатата година беше на славеничката турнеја на Стоунс, на која беа одбележани 60-годишнината, а иако го преболи коронавирусот, Џегер не планира да престане.
– Не мислам дека уживањето во животот е ексклузивна привилегија на младите… Не мислите ли дека понекогаш е мудро да не пораснете? – изјави неодамна пејачот.