На секоја премиера на филмот „Барби“, Марго Роби ја прави врвната промоција со нејзините внимателно испланирани комбинации. Розевиот свет на Барби и стана секојдневие, а овој пат инспирацијата ја нашла во кукла која можеби и самата ја имала.
Стилистот кој соработува со Роби деновиве има полни раце работа затоа што морал да смисли десетици розови комбинации, а кога облекувате ѕвезда како прекрасната Марго, задачата не е нималку лесна бидејќи секој аутфит мора да биде „тип-топ“. Овој пат, Ендрју Мукамал најде инспирација во ‘Earring Magic Barbie’, куклата Барби која беше достапна на полиците на различни продавници во 90-тите.
Така Маргот Роби пристигна во Мексико како вистинска реална барбика во розово, панк-стил издание.
Кожениот мини фустан овој пат го комбинираше со розови високи чевли, а се зачини со модни додатоци! Околу половината има сребрен метален појас со украсна ѕвезда, а аксесоарите – преголеми обетки со висечки ѕвезди и срциња.
Куклата која излезе во продажба околу 1991 година имаше токму таков аутфит со истите додатоци, а ваква рекреација на Барби ретко се гледа.