Хејли Бибер беше олицетворение на елеганцијата кога изминатиот викенд излезе на вечера во ресторанот на Лаки во Малибу со пријателката Лори Харви. 26-годишната инфлуенсерка ги воодушеви модните обожаватели во нежен бел фустан без ракави од тантела и свила, кој го искомбинира со бели сандали.
Манекенката го комплетираше својот софистициран стајлинг со златни обетки и соодветна златна нараквица.
Белите фустани традиционално се едни од омилените летни парчиња, а оваа сезона особено внимание привлекуваат романтичните и сензуални модели.
Изборот на Хејли е пример за мултифункционален и разноврсен фустан, кој може да се носи цело лето за речиси секоја пригода – доволно едноставен за лежерна прошетка, а сепак доволно заводлив и ласкав за да изгледа како минималистичка венчаница.