Холандската влада го прошири пакетот за поддршка, вреден повеќе од 13 милијарди евра, за компаниите погодени од корона кризата.
Мерките вклучуваат заеми, даночни олеснувања и помош при исплата на плати.
Владата соопшти дека целта е да се заштитат што е можно повеќе работни места во холандските компании кои страдаат од економски последици како резултат на избувнување на пандемијата.
Ова е втор пакет на холандската влада, а помошта од првиот, кој беше усвоен кон средината на март, ја искористија стотици илјади компании.
Владата соопшти дека не може да ги спречи сите загуби на работните места и банкротите и додава дека закрепнувањето на некои сектори на економијата ќе трае долго.