Монасите на еден француски манастир во срцето на Бургундија започнаа итна продажба преку Интернет на илјадници пакувања зрело сирење, кое седи во подрумите поради недостаток на посетители поради пандемијата на коронавирус.
Опатија Сито, јужно од Дижон, од каде потекнува католичкиот монашки поредок, обично продава млеко и калапи полу-тврдо сирење само на ресторани или посетители кои доаѓаат кај нив лично да купат.
Сепак, поради пандемијата, посетата, а со тоа и побарувачката, драстично опадна, па на 19 монаси им останаа 4.000 парчиња вишок сирење.
Прилично голем проблем. Поточно, 2,8 тони тежок проблем.
„Се обидовме да им објасниме на нашите крави дека треба да даваат помалку млеко, но изгледа дека не разбираат од нас“, вели монахот Жан-Клод, кој е одговорен за промовирање на манастирот, основан во 1098 година.
Како што објасни, нивната продажба паднала за 50 проценти, бидејќи рестораните се затворени од 30 октомври. Треба да ги расчистиме залихите“, додаде Жан-Клод.
Нивното сирење минатата година освои сребрен медал на меѓународен натпревар во Лион.
Сега тие соработуваа со интернет стартап компанијата Divine Box, која продава производи на бројни манастири во Франција преку Интернет. Нивната цел е да продадат еден тон до следната недела, а минималната нарачка е два калапи по цена од 23 евра.
„Изгледа дека ќе успееме“, вели Жан-Клод.