YouTube во ново ажурирање тестира функција што го отстранува бројот на „недопаѓања“ на видеото.
Тоа е карактеристика што ќе им биде достапна само на ограничен број на корисници, а сè уште не е познато дали ќе добие светска „покриеност“.
Како што соопштија од оваа компанија, главната причина за ваквиот потег е „зголемениот број на насочени „недопаѓања“, со цел да се дискредитираат одредени креатори“, пренесе „Independent“.
Веќе неколку години, YouTube е загрижен за начинот на кој „дислајковите“ може да се користат за да се напаѓаат креаторите, па уште во 2019 година тие рекоа дека може целосно да ја отстранат можноста. Сепак, тоа сè уште не се случило.
Беше нагласено дека креаторите што ќе можат да го отстранат бројот на недопаѓања, сепак ќе можат да видат колку луѓе не го сакале нивното видео, но разликата е во тоа што овие информации нема да бидат достапни за останатите.