Fitbit лансираше нова тракер нараквица што служи исклучиво за следење на фитнес-активност и здравје.
Новата паметна нараквица Fitbit Luxe не е паметен часовник, туку исклучиво фитнес / велнес тракер со екран на допир што служи за следење на вашите активности и вашето здравје.
За нараквицата се вели дека е дизајнирана како моден гаџет, додека нејзините сензори се во можност да следат бројни работи поврзани со здравјето на корисникот, вклучувајќи отчукувања на срцето, заситеност на кислород во крвта и менструални циклуси. Се разбира, тој исто така може да ги следи вообичаените активности, како што се бројот на чекори и растојанија поминати за време на трчање, пешачење или возење велосипед.
Иако гаџетот е претежно наменет за жени поради тесниот и тенок дизајн, на понудата има разни ремени кои ќе го направат прифатлив за мажите, па можеме да кажеме дека е „унисекс“.
Цената од 150 долари исто така не делува премногу, а дополнителни бонуси се батерија која ќе ви трае 5 дена без полнење, како и отпорност на вода во комбинација со „режим за пливање“, што ќе ги следи вашите активности додека пливате.