Во седмиот дел од акциониот хит „Невозможна мисија“, гледачите ќе можат да го видат славниот актер во многу драматични ситуации кои решил да ги изведе целосно независно, пркосејќи им на своите години. Иако некои од постапките што ги направи се многу опасни и може да имаат дури и сериозни последици, Том Круз се справил со сето тоа и решил сето тоа да го направи сам.
Во својот седми филм од познатата франшиза, Том го изведе својот најсмртоносен трик досега. Станува збор за сцена која вклучува слободен пад, а во основа е „speed-fly“ спорт кој е многу непредвидлив и опасен по живот.
Круз откри што му се вртеше низ главата додека ја снимаше таа опасна сцена: „Размислував за настапот затоа што ме гледате на почетокот, морам да глумам, но размислувам и за спуштањето на хеликоптерот, за брзината со која мора да поминам по таа рампа“.
Признал и дека бил загрижен поради отворањето на падобранот, се молел да не удри во планината и да може безбедно да слета, а за да се подготви, поминал многу време во вежбање. Тој вежбал скокање со падобран и изградил рампа во Англија за да може да направи неколку проби.
Дополнително на сето тоа, и покрај годините и фактот дека не е професионалец во оваа работа, Том не носел ниту кацига!
„Едноставно не изгледа кул. Носам кациги кога возам мотор, а кога тренирам носам влошки“, објасни тој и додаде: „Кога ќе почнете да снимате, сите влошки се симнуваат. Затоа, тренирам со кациги, но кога скокам и се тркам со брзи мотоцикли, тоа не е филмски“.