Не е тајна дека 55-годишната Селин Дион последните години се бори со сериозни здравствени проблеми. Имено, на познатата пејачка и е дијагностицирана ретка невролошка болест, позната и како синдром на вкочанета личност, која многу и го отежнува нормалното функционирање.
Како што открива магазинот Hello!, нејзината сестра Линда се вселила во нејзиниот семеен дом токму за да и помага во секое време и да биде достапна. За се проговори нивната сестра Клодет, која рече дека Селин Дион е со трите сина Рене-Шарлс, Еди и Нелсон на нејзиниот луксузен имот во Лас Вегас, а во една од собите е и Линда.
Синдромот на вкочанета личност е исклучително ретка болест која се карактеризира со грчеви во мускулите и недостаток на координација, а симптомите можат да бидат поттикнати од звуци, допири и емоционален стрес.
Така Клодет откри дека Селин напорно работи за да закрепне и длабоко верува дека има надеж за нејзино закрепнување, но нивниот најголем предизвик е што не можат да најдат ефикасен лек.
„Таа е дисциплинирана во сите области од нејзиниот живот… Не можеме да најдеме лек кој делува, но важно е да се има надеж“, рече Клодет.
Инаку, Селин поради здравствени проблеми мораше да ги откаже настапите во Лас Вегас, како и светската турнеја Courage.
Здравјето на Селин Дион, која е најмладата од 14-те, покрај Линда и Клодет, е загрижена и за нејзините други браќа и сестри – Дениз, Клемент, Лиет, Мишел, Луиз, Жак, Даниел, Гислајн, Манон и близнаците Пол и Полин.