ПАРИС Хилтон (42) го прослави американскиот Ден на благодарноста со своето семејство и сподели среќна вест на Инстаграм. Имено, таа и нејзиниот сопруг Картер Реум го очекуваат своето второ дете.
„Благодарна за моето девојче“, напиша Парис откако го откри полот на бебето и го сподели името што ќе и го дадат – Лондон. Парис и Картер го добија своето прво дете, синот Феникс, во февруари оваа година преку сурогат мајка. Претходно Хилтон изјави дека сакаат да имаат девојче и дека таа одамна се одлучила за името.
„Девојчето ќе се вика Лондон Мерилин Хилтон Реум. Мерилин е по баба ми и Лондон затоа што ми е омилен град, мислам дека Парис и Лондон ќе звучат слатко заедно“, рече таа во шоуто на Елен Деџенерис.
Парис и Картер се венчаа во ноември 2021 година. Тие беа пријатели 15 години пред да започнат врска во 2019 година, а само три месеци подоцна се верија.