Српскиот пејач Здравко Чолиќ ќе земе дури 130.000 евра за да ја дочека 2024 година на Страдун во Дубровник, пишува „Слободна Далмација“.
Како што наведуваат, ова е убедливо најголемата сума што некој пејач ја добил за настап на новогодишната ноќ во Хрватска, по Дино Мерлин, кој, според хрватските медиуми, наводно земал 80.000 евра за да ја дочека 2018 година во овој град.
„Драги пријатели, со нетрпение го чекам Дубровник, новогодишната ноќ на Страдун, најубавата сцена на светот! Здравко Чолиќ ве сака и ве поздравува“, изјави пејачот кога беше објавено дека ќе пее во Дубровник.