Џенифер Лопез на доделувањето на „Златните глобуси“ истакна дека нејзиниот сопруг Бен Афлек е совршено добро и многу среќен и покрај оние папарацо фотографии кои ги загрижија фановите.
„Бен е добро. Не треба да се грижите за Бен”, изјави 54-годишната пејачка за Entertainment Tonight.
„Тој е добро. Тој е среќен. Тој е тука – тој е номиниран. Не разбирам зошто луѓето се толку упорни“, додаде таа.
„И не го забележуваат моето лице“, се пошегува таа.
Филмот на Афлек „Air“ синоќа беше номиниран за најдобар мјузикл/комедија. Џенифер го поддржа на доделувањето, но на црвениот тепих не прошетаа заедно, туку се сретнаа само во салата.