По девет години брак, еден од најпознатите спортски парови се разведе. Кристијан Шерц, адвокатот на Ана Ивановиќ, потврди за „Билд“ дека пензионираната српска тенисерка и поранешен светски шампион во фудбал, Бастијан Швајнштајгер, се разделиле.
„Билд“ пишува дека причината што се наведува се „непомирливи разлики“. Според истиот медиум, адвокатот рекол дека нема да дава никакви дополнителни изјави и побарал да се почитува приватноста на неговиот клиент, особено заради децата, имено нивните три сина.
Гласините за нивните брачни проблеми кружат веќе неколку месеци, а само пред неколку недели беше откриено дека Швајнштајгер веќе некое време има нова партнерка и според „Билд“ неодамна изјавил: „За мене лично, ова е малку предизвикувачки период во моментов“.
Ана и Бастијан се венчаа во Венеција во 2016 година и со години важеа за спортски пар од соништата.