Андреас Флатен дал отказ од работилницата за механичари во Пичери, Џорџија, во ноември, но не му беше лесно да ја добие последната плата.
Флатен не само што им се обратил на локалните медиуми, туку и контактирал со Министерството за труд во американската држава.
Имено, на 12 март конечно пристигна неговата плата од 915 долари на домашна адреса, но во форма на десетици илјади монети. Бидејќи Флатен му соопштил на својот шеф дека работата е токсична за него, сите пари, приближно 500 килограми, биле симболично подмачкани со моторно масло.
Покрај сето тоа, имало и порака: „Е*и се“. Оваа необична ситуација го привлече вниманието на јавноста кога девојката на Флетен, Оливија Оксли, објави видео од куп монети каде ги опиша и околностите на разрешувањето на нејзиното момче.
Како што вели, Флатен наводно ја дал својата „писмена оставка“ две недели однапред.
„Тие две недели се претворија во пет дена. Мајлс Вокер од сервисот за автомобили продолжи да биде кретен и нормалниот работен ден го претвори во пекол. Имено, тој имал непотребни коментари за ќерката на мојот дечко”, рече таа. Таа исто така вели дека била згрозена од посветеноста на Вокер затоа што тој морал некако да набави толку пари.
Поранешниот вработен, Флатен, тврди дека неговиот поранешен шеф е познат по тоа што ги малтретирал неговите работници, а еден поранешен работник тврди дека неговиот шеф ги соблекол пантолоните пред неговите колеги.
Кога новинарот Џејми Кенеди му влегол во трага на манијакалниот механичар, тој го оттурнал.
„Тргни се од мојот имот“, рекол огорчениот шеф, додавајќи: „Тој зеде плата, само тоа е важно. Слабак е што воопшто го објави тоа“.
„Ова е навистина детско. Ќе имам работа уште многу со парите што веќе ги заработив”, рече Флатен.
Инаку, Флатен реши да си даде оставка затоа што тој и неговиот шеф биле во кавга за неговиот распоред. Шефот му ветил на Флетен пауза за да го земе своето дете од градинка. Меѓутоа, бидејќи тој постојано го игнорирал тоа ветување и имале други жестоки расправии, тој си даде оставка.
Флатен и неговата девојка во моментов сè уште се борат со монетите затоа што мораат рачно да ја исчистат секоја паричка од еден цент со стара крпа. Потребни им се околу два часа да исполираат 5 долари.
Иако оваа ситуација е бизарна, колку што е и неприфатлива, Флатен не може да стори ништо, тврди портпаролот на Министерството за труд на САД, Ерик Р.Лусеро.
„Нема ништо во регулативата што диктира во која валута мора да се плати вработениот“, рече Луцеро, пишува „Њујорк пост“.