Германскиот хемиски гигант „Баер“ се согласи на спогодба и ќе плати обештетување од скоро 11 милијарди долари поради бројните тужби што го поврзуваат нејзиниот хербицид „Roundup“ со предизвикување карцином.
Производот базиран на глифосат е предмет на околу 125.000 тужби за наводно канцерогени ефекти.
Њујоршката правна канцеларија „Vajts end Luksemberg“ вели дека таа постигнала спогодба во име на скоро 100.000 луѓе, пишува „БиБиСи“.
„Баер“ негира дека е виновен за било што, но рече дека плаќањето ќе стави крај на „неизвесноста“.
„Roundup“ првично го лансира американската компанија Монсанто, која „Баер“ ја купил во 2018 година.
Од неговото воведување пред повеќе од четири децении, тој стана познат како најпопуларен хербицид во светот.
Како дел од спогодбата, „Баер“ ќе плати дури 9,6 милијарди долари во име на тужби и ќе издвои дополнителни 1,25 милијарди долари за решавање на какви било идни активности, се вели во соопштението на компанијата.