Мајкрософт започна преговори за купување на ТикТок, апликација која е во сопственост на Кина и чии услуги ги користат над 800 милиони корисници.
Овој потег би бил голем удар за компанијата во Пекинг, која постигна успех благодарение на апликацијата „ТикТок“, станувајќи еден од најголемите кинески конгломерати.
Информациите што ги имаат Њујорк Тајмс и Фокс Бизнис велат дека се водат преговори, но Секретаријатот за финансии на САД одби да ги коментира можните наводи.
Секретарот за финансии Стив Мнухин даде изјава во средата каде коментираше дека апликацијата е под „истрага“ од страна на американскиот комитет за надворешни инвестиции и дека ќе му даде препораки на претседателот Трамп за можно купување во текот на неделата.
Минатата недела, Сенатот на Комисијата за внатрешна безбедност и владини прашања расправаше за забраната за употреба на оваа апликација. Претставничкиот дом на Конгресот веќе гласаше за оваа мерка.
Апликацијата ТикТок се проценува на 50 милијарди американски долари.