Следниот месец почнува изградбата на две нови патарини на автопатот Скопје – Штип што граѓаните кои патуваат на оваа релација ќе ги чини дополнителни средства од 50 денари во Преод, и 70 денари во Кадрифаково. Ова значи наместо сегашните 40, патувањето од главниот град до Штип во должина од 47 километри граѓаните ќе ги чини 160 денари во еден правец.
Ќе се модернизираат и петте постоечки наплатни рампи – во Миладиновци, Глумово, Желино, Тетово и Гостивар, но од Државни патишта велат дека за сега, не се предвидени повисоки цени за овие патарини, објавија медиумите.
Со повеќе од половина година задоцнување, избран е конзорциумот Асeлсан Жикол, кој за 12,5 милиони евра ќе ги реконструира патарините.