ЕКОНОМИЈА

Со меморандум за соработка Македонско-швајцарскиот бизнис-клуб ја зацврсти соработката со Бугарско швајцарската трговска комора

Со меморандум за соработка Македонско-швајцарскиот бизнис-клуб при Сојузот на стопански комори на Македонија ја зацврсти соработката со Бугарско швајцарската трговска комора. Меморандумот го потпишаа претседателот на Македонско-швајцарскиот бизнис-клуб Јасминка Талеска и претседателот на Бугарско швајцарската трговска комора, Бони Бонев.

Целта на меморандумот е унапредување на соработката, вмрежување на компаниите, со прецизирани активности кои ќе бидат преземени за зајакнување на партнерството, поттикнување на развојот, промоција на трговијата и економската соработка.

Талеска истакна дека потенцијалите за соработка меѓу коморите се големи, особено во доменот на ИКТ секторот, фармацевска индустрија, секторите осигурување и финансии, како и индустрија, со оглед на тоа што се зголемува деловната соработка со Швајцарија.

„Билатералните економски односи кои ги градиме со Швајцарија одат во нагорна линија. Во таа насока и меморандумот кој го потпишавме со Бугарско швајцарската трговска комора е дополнителна можност за зајакнување на релациите, вмрежување на илјадници компании, за заемна промоција и секако интерес за соработка на повеќе полиња како и реализација на заеднички проектни активности. Главната цел е искористување на потенцијалот за зголемување на трговија и инвестиции меѓу нашите држави“, изјави Талеска и додаде дека според статистичките податоци трговската размена меѓу Македонија и Швајцарија во 2019 година изнесува 92 милиони евра со остварен извоз од 36 милиони евра и увоз од 56 милиони евра.

Бугарско-швајцарската трговска комора обезбедува информации и услуги на деловната и инвеститорската заедница во соработка со Швајцарската амбасада во Софија. Претседателот, Бонев истакна дека бројни се областите за продлабочување на заедничката соработка, реализација на проектни активности со особен фокус на енергетска ефикасност, квалификуван кадар, инфраструктура и создавање квалитетен деловен амбиент.

Македонско швајцарскиот бизнис клуб е форимиран во Сојузот, со поддршка на Амбасадата на Швајцарија. Во моментов над 40 компании се со стопроцентен швајцарски капитал во земјава или дистрибуираат производи или услуги од Швајцарија на македонскиот пазар.

Поврзани вести

Нови алатки за јакнење на извозниот потенцијал на малите и средните фирми од Западен Балкан

Берта Китинска

РКЕ повикува да се достават приговори, aко сметките за струја ви се високи

Берта Китинска

Атанасов: СДСМ исплати 381,6 милиони евра за земјоделците

Александар Петровски

Голем интерес во Тетово за мерката 113 – млад земјоделец од Програмата за финансиска поддршка на руралниот развој

Никола Поповски

Во новиот мандат СДСМ ќе обезбеди нови 100 000 работни места и рекорден раст на платите

Манчевски: Кризата ако се продлабочи не само од администрацијата, туку и од многу други места ќе има намалување

Берта Китинска