Додека повеќето луѓе го бараат полесниот пат во животот, постојат и такви кои речиси инстинктивно го избираат потешкиот. Не затоа што сакаат страдање, туку затоа што длабоко во себе чувствуваат дека растот и силата не доаѓаат од леснотијата.
Нивниот пат ретко е прав, но секоја пречка што ја надминуваат ги прави уште поотпорни и помудри.
Јарец
Јарците се раѓаат со чувство на одговорност и внатрешна сила што ги движи напред дури и кога многумина би се откажале. Додека другите бараат кратенки, Јарецот избира пат што малкумина го избираат. Во неговиот свет, нема случајни успеси – сè што има е заработено преку работа, доследност и неверојатна фокусираност. За Јарецот, борбата не е нешто од кое треба да се плаши, туку природен дел од патувањето кон целта. Тој знае дека вистинските победи доаѓаат само откако ќе си докажеме себеси дека можеме да издржиме повеќе отколку што мислиме.
Скорпија
Скорпиите не бараат лесни животни лекции. Нивната природа е длабока, интензивна и често е поврзана со кризи што ги менуваат одвнатре кон надвор. И додека другите би избегале, Скорпијата останува – решенa да најде смисла дури и во болката. За неa, вистината е поважна од утехата. Тaa не се плаши да се соочи со тешки емоции или да ги разоткрие сопствените слабости, бидејќи знае дека моќта се раѓа од она што сме го доживеале. Скорпијата никогаш не го следи патот на најмал отпор бидејќи знае дека мирните води не создаваат силни души.
Овен
Овенот е знак кој напредува во предизвиците. Кога ќе наиде на пречка, не бара заобиколен пат – оди директно кон неа. Во него гори искра која не гасне дури ни под притисок. Дури и кога губи, не се откажува, туку се обидува повторно, честопати дури и порешителен од порано. Неговата енергија и храброст често ги инспирираат другите, но она што го издвојува е неговата подготвеност да презема ризици. Овенот знае дека најголемите победи не се добиваат таму каде што е лесно, туку таму каде што сите други веќе се откажале.