Работната средина често е опишувана како организирана џунгла, чиј лидер е шефот. Тој може да биде доминантна личност која делува стресно на подредените или пак да биде човек со супер однесување кое ќе ги мотивира вработените.
Секој знак си има сет од карактеристики кои се однесуваат и до личноста на шефот. Дознајте кој е хороскопскиот знак на вашиот управен директор или менаџер, за да дознаете како да ги подобрите бизнис односите со него / неа.
Овен
Вашиот шеф Овен е амбициозен, енергичен и конкурентен. Тој има вродени лидерски вештини. Не си дозволувајте да се однесувате агресивно со него или да го предизвикате на спор, бидејќи шансите да победите се минимални. Овој шеф не се доверува лесно на колегите и подредените – тешко ќе му ја заработите почитта. Можете да го придобиете газдата Овен преку посветеноста, професионалноста, психичка и физичка издржливост. Добро е дека луѓето од овој знак се многу чесни и праведни и имаат тенденција да го заштитат својот тим.
Бик
Вашиот шеф Бик е сталожен, сигурен и спокоен. Тој ќе ве охрабрува да излегувате надвор од границите на удобноста, за да се постигне повеќе во кариерата. Овој шеф знае како да ги подобри способностите на своите вработени. Шефот Бик не се разбира лесно со бујни или ексцентрични типови на личности кои не се придржуваат кон рутината и не ги следат целите на компанијата. Овој шеф се прилагодува лесно кон промените, па нема да се двоуми да ги ослободи луѓето кои не се вклопуваат во неговиот тим. Тој може да ги научи луѓето на стабилност и на тоа да уживаат во плодовите на својот труд. Овој шеф ги цени вработените кои му укажуваат благодарност.
Близнаци
Вашиот шеф Близнак е многу активен, интелигентен и комуникативен. Тој е зборлест и пријателски настроен кон сите луѓе од својот тим. Сепак, тој може да се однесува ладно. Близнаците имаат желба, а и способности да бидат мултифункционални и го очекуваат тоа од подредените. Понекогаш шефот Близнаци е склон да ја комплетира работата на вработените на начин што ќе ги разочара. Тоа е затоа што тој сака да се увери дека се е во ред. Овој шеф е забавен и е одличен професор. Ако сакате да дознаете нешто ново за работното место или за видот работа – тој ќе ви е од голема корист.
Рак
Вашиот шеф Рак е традиционалист, ориентиран кон бизнисот. Луѓето Ракови можат да бидат големи водачи. Тие ги сакаат предизвиците и се подготвени да работат заедно со своите вработени, ако е потребно. Овие луѓе не се плашат од многу работа. Тие преферираат да работат со одговорни луѓе. Тие не толерираат мрзеливост и непрофесионализам. Нивните главни приоритети се насочени кон обезбедување на приход за семејството, за безбедноста на работниците и вработените. Шефот Рак е пријатен и е шаливџија. Тој не би сторил ништо што би им наштетило на потчинетите.
Лав
Вашиот шеф Лав е храбар, лојален и има силен карактер и волја. Тој исто така има вродени лидерски квалитети и ќе направи речиси сè за да ве натера да одите на работа, на најдобар можен начин. Луѓето од овој знак се работохолици кои ги извршуваат своите цели до крај. Тие очекуваат сите нивни потчинети да бидат лојални и чесни. Овие луѓе нема да ја злоупотребат својата власт никогаш. Шефот Лав може да ве научи како да се користи менталната и физичка сила најефективно.
Девица
Вашиот шеф Девица е конзервативен, критичен и е перфекционист. Овие лидери очекуваат вработените секогаш да ги надминуваат нивните очекувања. Девиците им даваат на подредените слобода. Тие се одлични комуникатори и администратори. Шефот Девица ќе ги почитува сите правила во канцеларијата и ќе покажува совршена работна етика. Тој / таа никогаш нема да стави некој вработен на пиедестал. Овие луѓе обично се сочувствителни и пријателски настроени кон луѓето со кои работат.
Вага
Вашиот шеф Вага е весел, супер и избалансиран. Вие имате среќа, ако наидете на шеф од овој знак. Ќе работите во една пријатна, опуштена и пријателска работна средина, без непотребни интриги и емоции. Шефот Вага нема да ве измачува и да ви дише во вратот. Тој нема да ве тера да останете на работа надвор од работно време. Тој во целина е многу разбран и толерантен и ќе ви овозможи да си работите од дома, кога не се чувствувате добро.
Скорпија
Вашиот шеф Скорпија е инает, кој има железна волја и стратешко размислување. Тој сонува за успех и не престанува да се движи кон него. Овој шеф очекува сите негови потчинети да ги следат неговите правила и да ги исполнат сите барања на компанијата. Овој шеф е авторитарен и ги следи и контролира своите вработени. Тој, сепак, никогаш нема да го запре развојот на свој потчинет, туку напротив – ќе го охрабри. Покрај тоа, тој е великодушен и сака да дава бонуси и да им помага на луѓето со своите бизнис врски. Со таков шеф можете брзо да напреднете во кариерата.
Стрелец
Вашиот шеф Стрелец е способен, инспиративен и ентузијаст. Тој е господар на работното место. Освен тоа има визија за големата слика во бизнисот и сите му веруваат. Овој шеф може да ве научи на многу работи во работата и како целина ќе биде среќен да ви интегрира во екипата побрзо. Тој, сепак, може да биде прилично арогантен и груб, но тоа е затоа што во неговата душа има многу немири и страст. Тој е наклонет на авантури дури и на работното место.
Јарец
Вашиот шеф Јарец е дисциплиниран, горд, детален и авторитетен. Тој има природна склоност да работи напорно и го очекува тоа и од вработените. Шефот на овој знак ги држи потчинетите да ги следат упатствата, бидејќи самиот тој преферира да се придржува кон планот. Овој човек не сака нагли промени, но би ги презел ако тоа е потребно. Шефот Јарец ќе ве научи да бидете практични и совесни.
Водолија
Вашиот шеф Водолија е независен, оригинален и секогаш подготвен да ги избегне конфликтите со сите потребни средства. Тој обично е забавен и има одлични лидерски вештини. Луѓето од овој знак се логични и обично имаат исклучителни научни способности. Тие заликуваат малку на снобови и знаат како да задржат растојание од некои луѓе. Овие шефови се подготвени да ги обучуваат новодојденците, но тие не можат да се придржуваат кон сите правила на фирмата. Шефот Водолија ќе измисли нови начини да се обучуваат неговите луѓе и ако направи грешка, ќе ја преземе одговорноста.
Риби
Вашиот шеф Риби е сочувствителен и фер. Тој е мирен човек кој ја мрази драмата, особено пак во работната средина. Тој ќе преземе сè што е можно да ги направи подредените среќни. Понекогаш овој шеф изгледа срамежлив и нерешителен, но инаку има силна волја и е склон на напорна работа. Шефот Риби ќе им овозможи на сите свои потчинети да се изразуваат отворено, но нема да толерира непочитување и злоупотреба. Овој шеф ќе ги научи луѓето од тимот да се контролираат, дури и кога работат под стрес.