Доколку сте љубители на кокос, тогаш ќе се воодушевите кога ќе ја направите чоколадната торта со оваа состојка и додаток на кисело овошје.
Состојки:
* 3 јајца
* 1 лажичка ванилин шеќер
* 60 гр шеќер
* 50 мл масло
* 150 мл млеко
* 160 гр брашно
* 30 гр какао
* 1 лажичка прашок за пециво
* 70 гр рикота сирење
* 40 гр кондензирано млеко
* 100 мл слатка павлака
* 100 гр цреши
И уште:
* 120 гр чоколадо
* 70 мл слатка павлака
* кокос
Подготовка:
Јајцата се матат со ванилиниот шеќер, па постепено се додава шеќерот и се матат додека не се добие пенеста и бела смеса. Потоа сипете масло и млеко и продолжете со матење.
Потоа во смесата додајте просеано брашно со какао и прашок за пециво. Нежно измешајте и истурете во плех покриен со хартија за печење. Израмнете и печете во загреана рерна на 180°C околу 20 минути. Потоа земете кружен сад и исечете круг од тестото. Измешајте го сирењето рикота со кремот од карамела, па додадете ја слатката павлака и изматете.
Остатокот од тестото исечкајте го и додадете го во филот, па додајте ги црешите и измешајте. Потоа садот со кој го пресековте кругот обложете го со проѕирна фолија, па истурете го филот и одозгора ставете го кругот од тестото. Покријте со проѕирна фолија и ставете во фрижидер неколку часа.
Потоа извадете ја тортата од тавата и премачкајте ја со чоколадо што сте го стопиле со слатка павлака, а потоа посипете со кокос. Тортата ставете ја во фрижидер половина час и послужете ја.
На здравје!