Копаоник бизнис форумот ќе биде отворен денес, а поради пандемијата „Ковид-19“, за прв пат ќе се одржи во Белград во хибриден формат.
Темата на овогодинешниот, 28-ми по ред форум „Светот по Ковид-19 – нови извори на раст во променети деловни услови“, е посветен на идната економска политика и деловно работење по пандемијата.
Повеќе од 130 панелисти на 22 панели ќе учествуваат на четиридневниот собир, организиран од Здружението на економисти на Србија, до 27 мај.
Учесници на форумот, како што е најавено, ќе бидат претседатели на скоро сите стопански комори на Западен Балкан, амбасадори во Србија, како и регионални директори на ЕИБ, ЕБОР, Светска банка и Меѓународниот монетарен фонд, бизнисмени.