📹Оловен војник – нов сингл на Милко

Скопскиот инди-рок бенд Милко го претстави својот нов сингл наречен Оловен војник.

Втората објава по минатомесечниот „Тажен понеделник“, ни ги носи Милко во исклучително игриво издание.

Се работи за песна во која се гледа големото искуство на бендот, надополнето со модерен, свеж музички израз и звук. Несомнено, потенцијален есенски раздвижувач во етерот.

Песната е авторско дело на Сашо Митревски. Снимена е во студио Алшар, продуцент – Ивица Јанкуловски.

Милко по пет години пауза ќе одржат концерт на 6 ноември во Котур.