Македонскиот шоумен Игор Џамбазов со концерт во Македонската филхармонија на 21 октомври ќе одбележи два големи јубилеја.
Првиот повод е неговиот 60. роденден, но на овој настан ќе одбележи и три децении музичка соработка со блуз ветеранот Гуру Харе.
„Оваа година го прославуваме 60-от роденден на Игор, како и 30 годишнината од соработка помеѓу него и неговиот животен блуз-сопатник Гуру Харе. Сето ова ќе го прославиме заедно на 21 октомври во Македонската Филхармонија, со концерт на кој ќе биде изведен новиот матерјал од албумот „Првите триесет“, како и нивните најголемите хитови. Игор Џамбазов и Гуру Харе – вечните борци против кичот, шундот, турбо-фолкот и плејбекот…“, стои во најавата на настанот.