Манекенката Хајди Клум го прослави Божиќ со својот сопруг Том Каулиц на луксузен одмор. Двојката не ја крие својата љубов, пренесува „Дејли Мејл“, па додека се одмараа на брегот на Карибите разменуваа бакнежи и нежни допири и уживаа во празниците.
Супермоделот и актерка сподели објава на социјалните мрежи со видеа и фотографии.
Хајди Клум ја покажа својата завидна фигура во црно бикини, кое го носеше под наметка со леопард принт. Модната комбинација ја зачини со божиќна капа со светки.
Објавата содржи и видео на кое се гледа како актерката елегантно стои на лулашка додека нејзиниот сопруг несмасно се обидува да и се придружи. Таа секако ги израдува и ги насмеа своите следбеници со објавата.
Нејзиниот сопруг привлече внимание со својата цветна модна комбинација.