Крис Еванс минатата година беше прогласен за најсекси маж на светот, а набргу откако беше крунисан со ласкавата титула, беше откриен и неговиот љубовен статус. Врската со актерката Алба Баптиста се претвори во брак, а парот се венча овој септември. Иако гостите потпишаа договор да не споделуваат информации за церемонијата што ја подготвија за младите, се дозна дека парот имал две свадби: првата во нивниот дом недалеку од Бостон, а втората во Португалија, татковината на убавата невеста.
Двојката продолжува да ги крие деталите за нивната врска, но актерот еднаш изјави дека наскоро планира да се ожени и да има деца. Првиот план е завршен, сега го чекаме вториот…
Португалката долго време го криеше вереничкиот прстен и на нејзиниот Инстаграм профил не можевме да видиме ниту една ’класична’ фотографија од дијамантскиот прстен на раката. Сепак, фотографија од прстенот сепак се појави на Инстаграм.
Баптиста сподели галерија од фотографии од настанот „GQ Portugal Man of the Year“, а заедно со фустанот што го донесе во Португалија со допир на француски шик, го носеше и нејзиниот дијамантски веренички прстен и венчален прстен. Изгледот го комплетираше со обетки од бело злато и дијамантски часовник Cartier.
Младенците првпат беа поврзани во 2021 година, откако обожавателите со остри очи забележаа дека Португалката ги следи Еванс и неколку членови на неговото семејство на социјалните мрежи. Една година подоцна, во ноември 2022 година, Еванс и Баптиста беа забележани како се држат за рака во Њујорк.