Во најновото медиумско појавување за магазинот People, славните мајка и ќерка – Синди Крафорд и Каја Гербер проговорија за нивната блискост, но открија и колку често можат да се гледаат поради исклучително напорниот распоред што го имаат и двете.
Познатата мајка и ќерка веќе неколку пати работеа заедно на одредени модни кампањи, кои како и сè, имаат свои предности и недостатоци.
„Чувствувам дека постигнавме навистина силна врска, но и пријателство покрај врската мајка и ќерка, што ми беше многу забавно последните неколку години“, откри Каја. Така таа отиде со нејзината мајка на фестивалот Burning Man, кој се одржува во пустина.
Освен тоа, заедно одат на спа викенди, и двете уживаат во читањето, па зборуваат за книги или подкасти кои си ги препорачуваат, а уживаат и во театар.
Иако уживаат во поврзувањето поради слични интереси, Каја призна дека дури и денес нејзината мајка го наоѓа најдобриот начин да ја засрами, што не се разликува од другите мајки.
„Таа е кул мајка која постојано ме срами. Но, тоа е добро. Барем така ме спушта на земја… Веројатно и јас ја срамам“, вели Каја и открива дека особено и се допаѓа нивното заедничко снимање, каде никогаш не недостига смеа и добра забава.
📸Како да се сестри: Синди Крафорд и Каја Гербер модно координирани