На американската музичка ѕвезда Џенифер Лопез ѝ бил забранет влез во бутик на „Шанел“ во трговскиот центар „Истиње Парк“ во Истанбул, објавија локалните медиуми. Таа реагирала на ова на начин на кој многу други ѕвезди не би реагирале.
Кога обезбедувањето ѝ кажало дека не може да влезе, Лопез не се вознемирила и само рекла: „Добро, нема проблем“ и си заминала. Вработените во бутикот потоа ѝ се приближиле, се извиниле и ја поканиле да се врати, што таа го одбила.
Американските новинари го контактирале менаџерот на пејачката во врска со оваа вест, но не добиле одговор. Наместо во „Шанел“, таа пазарувала во други луксузни бутици како „Селин“ и „Бејмен“.
Патем, на 5 август, таа одржа концерт во Истанбул во рамките на турнејата „Up All Night“. На крајот од минатиот месец, таа го прослави својот 56-ти роденден во Анталија, а дел од атмосферата објави и на социјалните мрежи.
Пејачката ја завршува споменатата турнеја на 10 август, кога ќе настапи во Алмати, Казахстан.