Актерката Кејт Хадсон често на својот Инстаграм покажува колку и значи семејството. Нејзината мајка Голди Хоун е нејзината најдобра пријателка, но симпатичната Кејт не комуницира со нејзиниот татко Бил Хадсон… Тој еднаш дури и изразил желба актерката да го смени презимето, но таа сепак одлучила да го задржи.
Сепак, иако нема добри односи со нејзиниот татко, Хадсон одлучила дека тоа нема да влијае на нејзиниот однос со нејзините полубраќа и сестри.
„Го имав тој момент минатата година кога си помислив: „Не знам зошто не разговарам со другите мои браќа и сестри. Не ми е гајле какво е минатото на нашите родители…Имам две сестри со кои не разговарам за ништо друго освен за разделување на нашето семејство“, искрено рече таа за време на неделната епизода од нејзиниот подкаст „Sibling Revelry“.
Покрај тоа, таа откри дека средбата со нејзината полусестра била многу емотивна и полна со солзи: „Разговарав со сестра ми и само почнавме да липаме“.
Иако не откри на која полусестра мисли, најверојатно се работи за 42-годишната Емили Хадсон од вториот брак на нејзиниот биолошки татко Бил Хадсон со покојната Синди Вилијамс, во текот на кој го имаа и 37-годишна синот Вилијам „Захари“ Хадсон. Заедно со Емили и Вилијам, тука е и 17-годишната Лаланија Хадсон чија мајка е Керолин Греам.
Популарната актерка и нејзиниот брат Оливер го водат подкастот „Sibling Revelry“, а една епизода го налути нивниот татко толку многу што тој им кажа дека никогаш повеќе не сака да ги види: „Никогаш повеќе не сакам да видам ниту едно од моите најстари деца. Готово е. Имав родени пет деца, но сега се сметам за татко на три деца. Повеќе не ги препознавам Оливер и Кејт како мои. Би ги замолил да престанат да го користат името Хадсон.’
Уште порано, Бил Хадсон ја обвини својата поранешна сопруга Голди Хоун дека го отуѓила од неговите деца и не ги следела наредбите за старателство.