Извештаите на Google за смртта на Еминем предизвикаа хаос на социјалните мрежи во текот на викендот.
Фановите почнаа да ги споделуваат своите резултати од пребарувањето на Google за музичката икона на социјалните мрежи, заедно со хаштагот #RIPEminem. Резултатите го наведоа 10 декември како ден на смртта на Еминем и сугерираа дека 51-годишникот наводно починал во Медисон.
За среќа на фановите, гласините за смртта на Еминем беа измама. Се чини дека некој „шегаџија“ ја променил страницата на Википедија на хип-хоп ѕвездата, каде што напишал дека тој починал.
Лажните вести за смртта на пејачот послужија да покажат колку брзо може да се шират дезинформации на интернет, особено кога станува збор за јавни личности, посебно кога станува збор за Еминем, бидејќи ова не е прв пат лажни гласини за неговата смрт да се шират на социјалните мрежи.