Во текот на почетокот на сезоната на филмски награди, се одржа и годишниот настан на Американскиот филмски институт, кој, за разлика од класичните церемонии, беше организиран како приватен ручек во хотелот „Четири годишни времиња“ (Four Seasons) во Беверли Хилс. На собирот се појавија бројни светски ѕвезди, вклучувајќи ги Итан Хок, Џорџ Клуни, Гвинет Палтроу, Тимоти Шаламе, Аријана Гранде и многу други.
Сепак, еден необичен и хумористичен момент особено го привлече вниманието на јавноста и брзо стана вирален на социјалните мрежи. Актерот Џејкоб Елорди, миленик на помладата публика и ѕвездата на новиот филм „Франкенштајн“, ги фотографирал Леонардо Дикаприо, Гилермо дел Торо и Бенисио дел Торо. Додека тие позирале и се смееле, Елорди на шега го покажал средниот прст директно кон камерата, но и кон колегите, што некои обожаватели ги воодушевил, додека други се згрозиле од непристојниот чин на Елорди.
Jacob Elordi jokingly flips off Leonardo DiCaprio, Guillermo del Toro and Benicio Del Toro. pic.twitter.com/gtCKaelBbC
— Variety (@Variety) January 9, 2026
Снимката брзо почнала да се споделува, а некои коментирале под видеото дека гестот на Елорди бил симпатичен – многумина истакнале дека актерите се забавувале одлично и дека сцената била целосно опуштена и шармантна.
Сите четворица моментално се во центарот на вниманието поради успехот на нивните филмови оваа сезона на награди. Елорди и Гилермо дел Торо се пофалени за „Франкенштајн“, додека Леонардо Дикаприо и Бенисио дел Торо беа забележани во филмот „Една битка по друга“.
На синоќешното доделување на Златните глобуси, Леонардо Дикаприо беше номиниран за најдобар актер, а Гилермо дел Торо за најдобар режисер, додека двата филма беа во конкуренција за најдобар филм.