Веројатно секој настан кој собира голем број светски ѕвезди има барем еден фустан кој ја дели јавноста. На овогодинешниот Златен глобус фустанот кој ги подели луѓето онлајн го носеше пејачката Дуа Липа.
Таа на синоќешното доделување на Златните глобуси во Лос Анџелес се појави во впечатлива креација на модната куќа Schiaparelli. Наметката во стилот сирена изработена од свила беше украсена со извезени детали од злато и дијаманти кои потсетуваат на коски, што направи креацијата да не остана незабележана.
Со црн фустан без прерамки по нарачка, пејачката носеше ѓердан од трезорот на Tiffany & Co. Архивската огрлица од 1962 година ја красат дијаманти, а покрај неа пејачката носеше и раскошен прстен, исто така од Tiffany.
Ја носеше пуштена косата, обликувана во бранови.
Пејачката со ова издание воодушеви дел од јавноста, додека, од друга страна, многумина го вброија ова издание меѓу најлошите од наградата.
Коментарите на социјалните мрежи се движат од оние кои велат дека Дуа Липа го одзема здивот, до оние на кои апсолутно не им се допаѓа тоа што фустанот наликува на скелет.